Kryeministri Edi Rama, ka mbajtur një fjalim në Kuvendin e Shqipërisë, ku vinte në lojë banorët e Unazës së Re, të cilëve po u prishen shtëpitë. Rama kishte identifikuar disa prej banorëve, të cilët sipas tij, kanë në pronësi disa shtëpi.
Ai ka paraqitur në Kuvend, të njëjtën listë që kanë publikuar këto ditë, mediat e qeverisë.
Kryeministri ka hedhur poshtë mundësinë e dëmshpërblimit të plotë të banorëve që do t’u prishen shtëpitë, për shkak të rindërtimit të një pjese të Unazës së Madhe, me koston e frikshme prej 40 milionë euro për 2 kilometra.
Fjalimi i shthurur i kryeministrit, i cili i shpallte banorët “oligarkë me disa shtëpi”, i ka provokuar ata, gjë që ka sjellë përleshje me policinë jashtë sallës së Kuvendit.
