Kombëtarja e Kosovës ka pasur një ngritje në futboll duke u paraqitur në formë shumë të mirë dhe tashmë janë kualifikuar në garat e “play off” në kuadër të Ligës së Kombeve.
Kombëtarja e Kosovës siguroi kualifikimin për kalimin nga Liga D në Ligën C, me fitoren kundër Azerbajxhanit, të martën në Prishtinë, me rezultat 4:0.
Ministri i Kulturës, Rinisë dhe Sportit, Kujtim Gashi, shkruan në postimin e tij në Facebook:
“Pasi Kryetari Kadri Veseli premtoi mbështetje financiare për Kombëtaren e Kosovës në futboll, sot para kabinetit qeveritar propozova ndarjen e mjeteve në shumë prej 500.000 euro, si përkrahje në këtë fazë, për djelmoshat që kanë shkëlqyer në të gjitha lojërat të cilat janë zhvilluar në grupin D.
Kombëtares i urojmë suksese drejt kualifikimit historik për Kosovën! Urime.”
