Kur u flitet për njerëzit më të afërt, VIP-at shqiptarë nuk i kursejnë edhe lotët publikisht.
Kësaj here, moderatorja e famshme shqiptare Bora Zemani u përlot në TV Klan në emisionin e Pasdites me Rudina Magjistarin.
Dhe arsyeja ishte djali saj 4 vjeç Arbori, për të cilin Bora foli me shumë dashuri në emision.
“Arbori në dhjetor i bën 4 vjet. Nuk e di nëse jam një nënë tipike, mendoj se jemi duke u rritur bashkë sepse jam bërë mami shumë e vogël. Jam mami i tij por mendoj se do jem një shoqe shumë e mirë gjithë jetën. Unë e kam shijuar prindërimin, kam marrë shumë me Arborin sidomos vitin e parë kam qenë e fiksuar”, ka thënë Bora, e pasi në ekran iu shfaqën disa fotografi të të birit, ajo nuk i përmbajti lotët.
