Edi Rama dhe Damian Gjiknuri ndajnë qëndrime të kundërta sa i takon banesave te “Unaza e Re”. Projekti i zgjerimit të “Unazës së Madhe” prej ditësh është bërë kryefjalë e politikës dhe e banorëve të zonës së “Astirit”, të cilët kërkojnë me ngulm të shpronësohen me vlerën e tregut.
Për këtë ka folur edhe ministri i Infrastrukturës, Damian Gjiknuri, i cili theksoi se nuk do të ketë prishje pa dalë më parë vendimi i Këshillit të Ministrave për dëmshpërblimet e banorëve.
Ai e cilësoi segmentin e “Unazës së Re” si një aortë që i shërben të gjithë Shqipërisë. Kreu i kësaj ministrie iu bëri thirrje qytetarëve të bashkëpunojnë m me Autoritetin Rrugor Shqiptar.
“Unaza e Tiranës, ‘aorta’ e gjithë Shqipërisë. Masterplani i projektit për Unazën që në vitin ’89. Po tentohet të pengohet zhvillimi i projektit. Nuk ka prishje, pa dalë VKM për shpronësim. Do dali VKM për 180 objekte. Banorët të bashkë-punojnë me ARRSH. Pastrimi i zonës, pasi të bëhen shpronësimet”, tha ministri.
Ndërkohë, më herët, Edi Rama me një gjuhë vulgare u shpreh banesat që preken nga projekti i rrugës do shemben dhe banorët nuk do dëmshpërblehen, pasi sipas tij kanë zaptuar pronën publike. Nuk është hera e parë që kryeministri lajthit përpara kamerave dhe më pas del e vajton në foltore, siç bëri me rastin e protestës së Kukësit, kur e sheh që forca e popullit është disa herë më e fortë se energjia negative që kontrollon mendjen e tij.
