Liga e Kombeve, të martën mëson emrat e fundit të kombëtareve që do të luajnë në “Final Four”, nga katër ligat (A,B,C,D).
Në këtë kompeticion garojnë edhe Kombëtarja e Shqipërisë dhe e Kosovës, të cilat bënë paraqitje të ndryshme, ku kuqezinjtë që u renditën të fundit në grup dhe me “Dardanët” që kanë shumë gjasa të renditen të parët.
Liga A
Holanda, me një barazim në Gelsenkirchen, sonte në orën 20:45, do të bëhej skuadra e katërt nga Liga A, që luan në finalet e Ligës së Kombeve.
Ajo do të bashkohej me Portugalinë, Anglinë dhe Zvicrën. Një humbje ndaj Gjermanisë do t’i siguronte kalimin tutje Francës.
Të rënët në ligën B, janë tashmë të ditur: Gjermania, Islanda, Polonia dhe Kroacia.
Liga B
Vetëm një vend ka mbetur pa u plotësuar në Ligën B. Ky do të vendoset në Stockholm, në ndeshjen ndërmjet Suedisë dhe Rusisë. Barazimi do t’i shkonte në favor rusëve.
Ukraina, Bosnja dhe Danimarka janë kombëtaret që kanë siguruar kalimin tutje.
Turqia, Irlanda Veriut dhe Irlanda janë kombëtaret që kanë rënë në Ligën C.
Skuadra e fundit që pëson rënie vendoset në ndeshjen Çeki – Sllovaki. Barazimi favorizon çekët.
Liga C
Liga C është ndër më interesantet aktualisht. Vetëm Finlanda ka siguruar kalimin më tej.
Dueli në Glasgow, ndërmjet Skocisë dhe Izraelit vendos edhe për një skuadër tjetër. Barazimi favorizon izraelitët.
Vendi tjetër është në dilemë midis Norvegjisë dhe Bullgarisë, ku të dy skuadrat luajnë për diferencë golash.
Serbia, me fitore kundër Lituanisë do të kalonte më tej.
Estonia, Sllovenia dhe Lituania janë skuadrat që kanë rënë në Ligën D.
Sa për Shqipërinë, duke qenë se ishte në grup me tre ekipe, do të matet me vendet e treta në grupet e tjera. Aktualisht kuqezinjtë me 3 pikë shpëtojnë, pasi vendi i 3-të më i dobët është Mali i Zi me 1 pikë.
Liga D
Gjeorgjia dhe Bjellorusia janë dy skuadrat që kanë siguruar biletat për kalimin e grupit.
Kosovë-Azerbajxhan është ndeshja që vendos edhe një vend. Barazimi favorizon “Dardanët”.
Gjithashtu Maqedonia mjaftohet me një barazim kundër Gjibraltarit për të kompletuar katërshen.
