Një i ri shqiptar, Begtash Muka, është kapur më në fund nga Policia e Maltës, pasi ishte shpallur në kërkim prej një viti për nëj grabitje prej qindra mijëra eurosh nga “Diamond International” në Tigne.
Ai u pikas nga ushtarët duke u përpjekur të hyjë në një kazermë ushtarake në Safi.
Para se të hynte në kazermë, ai u përpoq të kërcente mbi një gardh për të hyrë në aeroport, por nuk ia arriti dot. Policia është duke hetuar pse deshi ta bëntë këtë ai.
Të shtunën në mëngjes, oficerët e sigurisë në Parkun e Aviacionit Safi panë një makinë të zezë që zonën e parkimit të makinave që u ndalua pranë murit që e ndante këtë hapësirë nga zona e parkimit të avionëve.
Shoferi doli nga makina dhe u ngjit në mbulesë duke u përpjekur të hidhej matanë, të kapërcente gardhin dhe të hynte në zonën e ndaluar të aeroportit pranë avionëve të parkuar jashtë hangarit të kompanisë Medavia.
Kur shqiptari pa ushtarët të suleshin drejt tij, ai kapërceu rrugën dhe kapërceu mbi një barrierë sigurie për të hyrë në barakat e Forcave të Armatosura.
Nisi menjëhërë kërkimi për këtë njeri derisa oficerët e Shërbimit të Paraburgimit kërkuan ndihmë kur ata u gjendën ballë për ballë me të dhe ai u drejtoi një armë zjarri.
Shqiptari u rrethua nga ushtarët dhe iu mor arma.
Oficerët e Ndërhyrjes së shepjtë e arrestuan menjëhërë.
Nga hetimet u zbulua se makina e përdorur nga ai kishte të dhëna të vjedhura nga një mjet tjetër që u gjet i parkuar diku tjetër. Makina e përdorur nga shqiptari ka pasur targa të Britanisë së Madhe.
Nuk përjashtohet mundësia që përveçse po përpiqej të ikte nga Malta ose po planifikonte të kryente një akt kriminal ën aeroport.
Vëllai i tij Daniel Muka ishte arrestuar më herët. Në fund të tetorit 2018, ai doli para gjykatës në lidhje me grabitjen e “Diamonds International” dhe tentativën e vrasjes së dy policëve gjatë arrestimit të tij.
Daniel Muka, 22 vjeç u akuzua për përfshirje në grabitjen e 5 tetorit në “Tigne Point”, gjatë së cilës një oficer i sigurisë u plagos dhe një sasi e konsiderueshme e bizhuterive u vodh.
Daniel Muka tha se ishte i pafajshëm, megjithatë gjykata vendosi ta lërë në burg dhe urdhëroi ngrirjen e pasurisë së tij.
