Prej orësh vijojnë reshjet intensive të dëborës në disa zona të vendit, ku ndër më problematiket është zona juglindore e vendit, përkatësisht Korça me rrethinat e saj.
Si pasojë e një orteku të rënë pak më parë në rrugën që të çon në Dardhë është dëmtuar një shtyllë e energjisë elektrike. Për pasojë, mësohet se prej të paktën dy orëve fshati turistik i Dardhës ka mbetur pa energji elktrike. Ndërkohë puna për hapjen e rrugës nga bora e grumbulluar prej ortekut dhe reshjeve intensive vijon.
Po ashtu burime thonë për Fax News, se probleme me furnizimin me energji elektrike ka edhe në Devoll, Voskopojë, Vithkuq, disa zona të Pogradecit dhe në zonën e Lozhanit.
Kujtojmë se ARRSH me anë të një njoftimi u shpreh se të gjithë rrugët janë të kalueshme me zinxhirë, ndërsa kërkoji kujdes të shtuar nga drejtuesit e automjeteve për shkak të ngricave.
