Kryeministri i Izraelit, Benyamin Netanyahu paralajmëron se zgjedhjet e parakohshme mund rezultonin në një katastrofë për shtetin. Netanyahu i bëri këto komente gjatë një takimi të kabinetit, në kohën kur aleatë kyç të koalicionin qeverisës kërcënojnë t’ia heqin mbështetjen e tyre.
Kriza politike nisi pas dorëheqjes së ministrit të mbrojtjes, Avigdor Lieberman, largimi i të cilit erdhi si shenjë proteste ndaj armëpushimit të arritur me militantët në Gaza pas tre ditë luftimesh.
Largimi e Liebermanit dhe partisë së tij Yisrael Beiteinu, e la koalicionin me një maxhorancë prej vetëm një vendi në parlamentin izraelit, Knesset.
Bisedimet mes kryeministrit dhe rivalit tjetër të tij në koalicion, Naftali Bennett, përfunduan të premten pa marrëveshje. Bennett ka kërcënuar ta tërheqë nga qeveria partinë e tij Habayit Hayehudi, nëse nuk caktohet në krye të ministrisë së mbrojtjes.
