Florian Binaj është një nga aktorët e humorit më të dashur për publikun shqiptar.
Me një sërë rolesh në ‘Portokalli’ ku spikat ai i ‘policit’, rol me të cilin Binaj shpesh herë identifikohet ka bërë për vete mijëra ndjekës në rrjete sociale me të cilët ndan shpesh foto dhe postime plot humor.
Së fundmi aktorin e kemi parë dhe në emisionin ‘Shiko kush luan’ dhe mbrëmjen e djeshme bashkëprezantuesi dhe miku i tij Adi në rubrikën Zig Zag e pyeti se përse nuk ka qënë asnjëherë pjesë e një shfaqje treatrale.
‘Kam 15 vite në ‘Portokalli’, por s’kam luajtur kurrë në teatër. Nuk është se nuk kam dashur, por nuk kam pasur asnjëherë ftesë. Arsye mendoj se është fakti që shfaqjet në teatër janë zakonisht dramat dhe nuk e di pse është krijuar ideja se aktorët e humorit nuk dinë të luajnë dramë, ndërkohë që është komplet e kundërta. Aktorët e humorit e qajnë dramën, ndërsa aktorët e dramës e kanë të vështirë të bëjnë humor’-tha aktori i njohur.
