Ousman Dembele po përballet me një telash të çuditshëm i cili ka lidhje me kohën kur ai u transferua te Barcelona në gusht të vitit 2017.
Lojtari i Barcelonës e la banesën e tij në Dortmund në gjendje skandaloze, duke mos e pastruar.
Pronari i shtëpisë në Dortmund, ka paraqitur një padi në Gjykatën e Qarkut të Dortmundit duke kërkuar një dëmshpërblim prej 20 mijë euro nga Dembele.
Plehrat dhe njollat ishin të shpërndara në shtëpi, madje futbollisti i Barcelonës nuk i ktheu as çelësat pronarit të shtëpisë ku ai qëndronte me qira.
Plot 105 milionë euro pagoi Barcelona për ta marrë futbollistin francez, pasi ky i fundit kishte kontratë deri në verën e vitit 2018 me Borusian e Dortmundit.
