Në një mbledhje me dyer të mbyllura, ditën e djeshme, mësohet se anëtarët e KKT-ja i kanë kërkuar arkitektit italian të ndryshojë projektin.
Ata janë shprehur kundër kullës në stadiumin “Qemal Stafa” dhe prishjes së fasadës. Këshilli Kombëtar i Territorit janë shprehur se nuk janë dakort edhe me kullën lidhur me përmasat e saj.
Gazeta Shekulli shkruan se “tre janë drejtimet që projekti duhet të ndryshojë: 1- fasada dhe sheshi. Për këtë arkitekti italian duhet të zgjidhë së pari çmontimin dhe konservimin e fasadës, së shumë përfolur që është monument kulture.
2-Kulla e stadiumit. Kulla 19 kate ka “mbetur në klasë”. Arkitekti duhet të bëjë të pamundurën që ta hollojë, apo të ulë lartësinë apo dhe volumin e kësaj kulle. Mësohet se anëtarët e KKT së, kanë propozuar që arkitekti ta sjellë kullën në lartësi të pranueshme. Është propozuar që lartësia të vijë me lartësinë e “Korpustit” apo Universitetit Politeknik.
Në lidhje me “prekjen” e projektit dhe hollimin e kullës, drejtori i stadiumit Kombëtar “Qemal Stafa” dhe anëtari i bordit të Shoqërisë Kuqezi, Eduard Prodani është shprehur dje se: “Për stadiumin mund të kemi të reja brenda dy javësh. Di që po punohet për stadiumin”.
Kështu edhe përmasat e kullës, veç lartësisë, mund të ndryshojnë.
Gjithsesi, këto janë detyrat që ka lënë KKT-ja për projektin dhe është arkitekti ai që duhet të punojë mbi to, nëse financuesit duan që të “kalojnë klasën” në këshillet e territorit.
Mësohet gjithashtu se projektuesit dhe financuesit, po bëjnë gati dosjen dhe kanë nisur aplikimet për lejet përkatëse në Bashkinë Tiranë.
Ndoshta për dy javë, të rejat për stadiumin mund të jenë surprizuese.
