Policia në Ohajo ka arrestuar një familje prej katër personash të dyshuar për vrasjen e tetë anëtarëve të një familje tjetër në fermën e tyre në 2016.
Vrasja e familjes Rhoden ishte e planifikuar në mënyrë misterioze, ndërsa mendohet se ishte e lidhur me një mosmarrëveshje për kujdestarinë e fëmijëve, thotë policia.
Familja Wagner, e cila është arrestuar, u shpërngul në Alaskë pas krimit dhe më vonë u rikthye në baesën e tyre në Ohajo.
George “Billy” Wagner III, 47 vjeç dhe Angela Wagner, 48 vjeç dhe dy djemtë e tyre, 27-vjeçari George Wagner IV dhe 26-vjeçari Edward “Jake” Wagner u arrestuan të martën në lidhje me vrasjet e vitit 2016, shkruan BBC.
Përveç tyre, nëna 65-vjeçare e zonjës Wagner, Rita Newcomb dhe nëna 76-vjeçare e Billy Wagner, Fredericka Wagner, gjithashtu janë akuzuar për pengim të drejtësisë dhe dëshmi të rreme. Ata nuk besohet se kanë marrë pjesë në vrasjet, sipas policisë.
Viktima nga vrasja e tyre mbetën: Hannah Gilley, 20 vjeç; Christopher Rhoden, Sr, 40 vjeç; Christopher Rhoden, Jr, 16 vjeç; Clarence “Frankie” Rhoden, 20 vjeç; Dana Rhoden, 37 vjeç; Gary Rhoden, 38 vjeç; Hanna Rhoden, 19 vjeç dhe Kenneth Rhoden, 44 vjeç.
