Persona të paidentifikuar ende kanë qëlluar me armë zjarri në drejtim të shtëpisë së një personi në Durrës.
Si pasojë e të shtënave ka ngelur i plagosur një fëmijë 12-vjeçar nga një plumb rikoshet.
Ngjarja ka ndodhur gjatë ditës së sotme në lagjen numër 1 të qytetit bregdetar. Sipas policisë ndaj banesës së shtetasit me iniciale D.Sh është qëlluar me armë zjarri.
Për pasojë mbeti i plagosur nga një plumb rikoshet fëmija 12 vjeç, i cili ndodhet në spital jashtë rrezikut për jetën.
Specialistët për Krimet dhe grupi hetimor po kryejnë veprimet për identifikimin dhe kapjen e autorëve si edhe zbardhjen e plotë të ngjarjes.
