Parlamenti Europian e ka hedhur poshtë kërkesën e eurodeputetit grek Epaminondas “Nótis” Mariás, i cili kishte kërkuar që në seancat e muajit nëntor të trajtohej edhe vrasja e Konstandinos Kaçifas si dhunim i të drejtave të minoritetit grek në Epirin e Veriut nga Shqipëria. Por, kërkesa iu refuzua dhe çështja nuk do të paraqitet në seancat e PE-së, e kundërshtuar nga raportuesi për Shqipërinë, Knut Fleckenstein.
Në dokumentin zyrtar të PE-së, thuhet se Parlamenti Europian ka përgatitur dokumentin final për seancat e nëntorit 2018 dhe ndryshimet që ishin propozuar.
Ndër të tjera, për të hënën, kërkesa nga Grupi ECR për të përfshirë si pikë të katërt në rendin e ditës së axhendës së Këshillit dhe Komisionit, deklaratat mbi “Shqipërinë, në veçanti rastin e dhunimit të të drejtave të minoritetit etnik grek në Epirin e Veriut dhe vrasjen e Konstandinos Katsifas”.
Debati duhet të përfundonte me paraqitjen e propozimeve për rezoluta, që do të hidheshin për votim të enjten.
Fjalën do ta merrte politikani grek Notis Maris, në emër të Grupit ECR. (Presidenti kërkoi sqarime nga Notis Maria, që iu përgjigj) dhe Knut Fleckenstein, në emër të Grupit S&D, kundër kërkesës.
Parlamenti e hodhi poshtë kërkesën me vota të hapura: 48 në favor, 208 kundër, 200 abstenime.
