Një nxënës kanadez, vetëm 15-vjeç, ka zbuluar një qytet antik që i përkiste Mayas dhe që ka qenë i fshehur për shekuj me radhë në xhunglën meksikane. William Gadoury, që banon në një qytezë me 60 mijë banorë, pranë Montreal, ka kaluar orë duke studiuar diagramat e yllësive dhe hartave të qyteteve antike të Maya.
Gadoury studio vendndodhjen e 117 qyteteve të njohura Maya të shpërndara në Meksikë, Guatemalë, Honduras dhe El Salvador, për të gjetur lidhjen midis qyteteve dhe yjet. Ai i krahasoi qytetet ekzistuese me 23 yje të ndryshme. Por në një prej yllësive kishte diçka që nuk shkonte. Kishte 3 yje, por vetëm dy korrespondonin me qytete të njohura tashmë.
Kështu, ai përdori hartat online dhe imazhet satelitore dhe zbuloi një qyet të ri të fshehur në thellësi të xhunglës, së Yucatan. I riu kontaktoi Dr. Armand Larocque nga Universiteti i New Brunswick i cili beson se kjo mund të jetë pesë herë më e madhe se qyteti Maya.
Pas zbulimit të 15-vjeçarit, është e mundshme që një ekspeditë mund të niset në zonën e largët për të konfirmuar teorinë e Gadoury. Fotografitë satelitore kanë konfirmuar parashikimet e tij, duke treguar forma gjeometrike që afrohen me strukturën e piramidave antike të Maya-ve dhe të rreth 30 ndërtesave të tjera pikërisht në zonën e treguar nga 15-vjeçari.
Ndërsa Daniel De Lisle i Agjencisë Hapësinore Kanadeze e vlerësoi një zgjuarsi të madhe këtë zbulim nga ana e Gadoury.
Ai i tha për The Independent: “Ajo që bëri William është interesante. Lidhi pozicionet e yjeve në vendin e një qyteti të humbur, së bashku me përdorimin e imazheve satelitore në një territor të vogël për të identifikuar eshtrat e varrosura nën bimësi të dendura dhe kjo është e jashtëzakonshme”.
