Atalanta e Etrit Berishën dhe Berat Gjimshitit ka mposhtur Interin me rezultatin 4-1 në javën e 12 të Serie A.
Ekipi vendas e nisi sfidën mjaft mirë duke kaluar në avantazh që në minutën e nëntë të takimit me Harteboer.
Pjesa e parë do të mbyllej me rezultatin 1-0, por duhej që të ishin shënuar të paktën 4 gola duke parë rastet e krijuara.
Me fillimin e pjesës së dytë Inter fiton një penallti të cilën e shëndërron në gol Icardi.
Këtu përfundon takimi për Interi pasi Atalanta rikthehet sërish tek dominimi dhe në të 63 shënon golin e avantazhit me anë të Mancinit.
Kur ndeshja po shkonte drejt fundit, Berat Gjimshiti shënon golin e parë që prej transferimit në Itali në minutën e 89.
Kur të gjithë menduan se ndeshja kishte përfunduar, Brozovic largohet me të kuq dhe vendasit shënopjnë edhe golin e katërt.
Kjo është një humbje shumë e rëndë për Interin, ku në 11 javë kishte pësuar vetëm 6 gola, pëson katër në vetëm një ndeshje.
Inter mbetet në vendin e tretë me 25 pikë, teksa Atalanta ngjitet në vendin e gjashtë me 18 pikë.
https://www.youtube.com/watch?v=ROdPVNgXPbE
