Prej vitesh Tirana është një prej qyteteve me ajrin më të ndotur në Europë, ndërkohë që Shqipëria renditet ndër vendet me vdekshmërinë më të lartë në kontinent për shkak të ndotjes së ajrit.
Situata në kryeqytet paraqitet alarmante për faktin se ajri ka vijuar të ndotet vitet e fundit, ndryshe nga sa reklamohet nga bashkia e drejtuar nga Erion Veliaj. Kryebashkiaku Veliaj i bëri elozhe më 1 nëntor të këtij viti raportit të OBSH-së ku thuhej se Tirana kishte bërë përmirësim të ndjeshëm krahasuar me tre vite më parë për përmirësimin e ajrit, mjedisit e pastërtisë.
Por shifrat e publikuara nga eksperët e faqes së internetit ‘Numbeo’ e rendisin Tiranën si qytetin e katërt në Europë për ndotjen e ajrit, ndërkohë që më të ndotura se kryeqyteti shqiptar rezultojnë Shkupi, Napoli dhe Tetova.
Që nga 2015-ta, kur Veliaj është zgjedhur kryebashkiak, ndotja e ajrit shënoi një rënie të lehtë në 2016-ën, për t’u rritur me ritme të shpejta në 2017-ën dhe 2018-ën. Ky studim i ‘Numbeo’ konfirmon se nismat e kryebashkiakut Erion Veliaj si dita pa makina, taksitë elektrike apo mbyllja e sheshit ‘Skënderbej’ kanë dështuar plotësisht dhe se përveç trafikut që shkaktohet në Tiranë, asnjë rezultat nuk kanë patur në përmirësimin e ajrit.
Shifrat e ndotjes së ajrit në Tiranë të publikuara nga ‘Numbeo’:
2015 – Tirana, Albania -76.36
2015 (Gjysma e vitit)- Tirana, Albania -78.10
2016 – Tirana, Albania -75.20
2016 (Gjysma e vitit)- Mungojnë të dhënat
2017 – Tirana, Albania -78.74
2017 (Gjysma e vitit)- Tirana, Albania -75.27
2018 – Tirana, Albania -79.14
2018 (Gjysma e vitit)- Tirana, Albania -80.51
*Njoftimi i bashkisë Tiranë në vitin 2016
*Njoftimi i Erion Veliajt në vitin 2017
*Të dhënat e publikuara nga ‘Numbeo’ për vitin 2018
