Orion Reçi dhe Gerti Pasha kanë apeluar sot vendimin e Gjykatës së krimeve të Rënda.
Kanë qenë avokatët e dy prej të akuzuarve për rekrutimin e xhihadistëve që kanë kërkuar apelim të vendimit ku Orion Reçi u dënua me 13 vjet burg dhe Gerti Pashja i dënuar me 17 vite burg.
Gjykata e Krimeve të Rënda ka dënuar me 126 vjet burg 9 personat e akuzuar se kanë rekrutuar luftëtarë për ISIS-in në Shqipëri. Kështu sipas vendimit të Gjykatës, Bujar Hysa dhe Genci Balla, dy imamët e vetëshpallur janë dënuar me 18 dhe 17 vite burg. Gjithashtu Gjykata ka dënuar me 17 vite burg edhe Gerti Pashën, ndërsa me 16 vite burg Zeqir Ymerin. Orion Reçi dhe Verdi Morava janë dënuar me nga 13 vjet burg, po aq sa edhe Edmond Balla. Ndërsa Fadil Muslimani ka marrë 12 vjet burg dhe Artrit Tola 7 vjet burg.
