Kryetari i komisionit të Posaçëm për reformën në drejtësi, Fatmir Xhafaj në një deklaratë për mediat ka sqaruar se tashmë është çështje kohe përfundimi i këtij procesi.
Ai ka thënë se me votën në parim të ditës së sotme i hapet rrugë diskutimit nen për nen i procesit dhe më pas shqyrtimit në seancë plenare të draftit.
“Sot në ditën e Evropës ka një lajm të mirë votë në parim për reformën në drejtësi. Ngelet shumë pak punë për të bërë. Kam propozuar axhendë të ngjeshur dhe shpresoj në shqyrtimin hap pas hapi. Nëse ka realisht vullnet mund ta përfundojmë në kohë procesin. Çdo kompromis është i mundshëm për sa kohë ruan thelbin e këtij projekti.”, u shpreh Fatmir Xhafaj.
