Cristiano Ronaldo është një ndër lojtarët më të mirë në dekadës së fundit, por largimi i tij nga Reali i Madrid për te Juventusit befasoi të gjithë botën futbollistike dhe la pas shumë pikëpyetje të pasqaruar.
Në një intervistë për “France Football”, sulmuesi portugez i Juventusit ka folur për lamtumirën nga skuadra madrilene si, por edhe mbi akuzat për përdhunim.
“Kjo ishte zgjedhja e duhur, në Madrid mora shumë kënaqësi. Si dhe momente që do t’i kem gjithmonë në zemër së bashku me lojtarët e mrekullueshëm. Edhe marrëdhënia me tifozët ka qenë fantastike. Por mendoj se pas nëntë vitesh ishte koha për të ndryshuar ekip. Në qoftë se do të doja të bëja një zgjedhje për ofertë më ekonomike do të shkoja në Kinë. Kina më ofroi një pagë pesë herë më të lartë. Unë nuk zgjodha Juventusin për para. Sepse në Madrid fitova shumë, por bardhezinjtë kanë provuar që më duan më të vërtetë. Marrëdhënia me Florentino Perez ka qenë gjithmonë profesionale. Pas 4-5 vitesh gjërat ndryshuan. Sepse edhe kur dolën lajme për largimin tim ai nuk i përgënjeshtroj ato”.
Së fundmi ai është akuzuar për përdhunimin e një femre, ccështje e cila duketse ka shqetësuar jo pak familjen e tij. Këtë e zbulon vetë Ronaldo:
“Unë i kam shpjeguar gjithçka partneres time Georginës, sepse djali im Cristian Jr është shumë i ri për të kuptuar. Ato që vuajtën më shumë janë nëna ime dhe motrat, sepse janë shqetësuar, por në të njëjtën kohë edhe janë zemëruar. Është hera e parë, që nëna ime është ndodhur në një situatë të tillë”, – ka përfunduar Ronaldo.
