Ish-kryeministri Sali Berisha ka reaguar para pak çastesh lidhur me protestën e qytetarëve të Kukësit kundër kryeministrit Edi Rama mbrëmjen e djeshme.
Berisha thotë se Rama u largua me bisht në shalë, ndërsa shpreh vlerësimin më të lartë për qytetarët kuksianë.
“Kukesi me tym dhe kapsolla e perze Ramen me bisht nen shale! Nderim qytetareve te Kukesit. Sb”, shkruan Berisha në reagimin e tij.
Kujtojmë se ditën e djeshme qytetarët e Kukësit hodhën flakadanë në vendin ku po kalonte Rama, ndërsa forca të shumta policore ishin të pranishme në qytet që prej orëve të pasdites.
Ndërkohë dhe më herët, gjatë një takimi të zhvilluar me qytetarët kryeministri Rama u prit me protesta dhe në Has.
Rama vizitonte Kukësin pas protestës së dhunshme të kuksianëve kundër tarifës në Rrugën e Kombit, protestë që tronditi jo pak qeverinë dhe që e detyroi të ulte tarifën për banorët e Kukësit nga 5 euro në 1 mijë lek të vjetra.
