Një aksident me pasojë dy të plagosur ka ndodhur tek kthesa e Murrashit në aksin rrugor Elbasan-Librazhd.
Në aksident janë përfshirë një trailer dhe një makinë tip “Ford”, por fatmirësisht dy drejtuesit e mjeteve ndodhen jashtë rrezikut për jetën. Ende nuk dihen shkaqet, por dyshimet e para mendohet të jetë bërë lagështia në rrugë.
“Në aksin rrugor Elbasan-Librazhd, te kthesa e Murrashit, mjeti trailer me targa AA243 MS, me drejtues shtetasin V.L.,52 vjeç, banues në Gjirokastër, është perplasur me mjetin tip “Ford” me targa AA311 TH, me drejtues shtetasin B K., banues në Dibër.Si pasojë janë aksidentuar dy pasagjerët që ndodheshin në mjetit Ford, të cilët u dërguan në Spitalin e Librazhdit, dhe janë jashtë rreziku per jetën. Grupi hetimor ndodhet në vendgjarje dhe po punon për zbardhjen e shkakut të aksidentit”, njofton policia.
