Deputeti i Kosovës Zafir Berisha deklaratat e hedhura pro dhe kundër vrasjes së Konstantinos Kacifas i ka quajtur shumë zhurmë për asgjë.
Ai shkon dhe më tej duke thënë se me rastin në fjalë kisha greke po mundohet të luaj lojën e djallit. “Zhurmë, shumë shumë zhurmë, për asgjë në Shqipëri! Kisha Ortotokse Greke me misionin e njejtë të infektimit të besimtarëve të saj si të asaj serbe, e cila infekton gjenerata të tëra se gjoja Kosova është “Djepi i Serbisë”.
Të vetëdijshëm se toka e të parëve tanë është nga Nishi e deri në Athinë, këto dy kisha, duke tejkaluar misionin e tyre, vazhdojnë të luajnë lojën e djallit në indoktrinim dhe manipulimin e besimtarëve ortodoks për gjoja “toka të shenjta” të “Vorio Epirit” e të “ Djepit Serbisë”, me idenë që ne të ndalemi këtu ku jemi dhe ta harrojmë Çamërinë e Kosovën Lindore.
Zhurma e madhe që po ndodh prej dy ditësh në Shqipëri lidhur me vrasjen e një ekstremisti të manipuluar minoritar dhe përplasja e mendimeve të politikanëve rreth kësaj ngjarjeje është një tregues se ne jemi pjesë e valles së të tjerëve dhe nuk jemi të vetëdijshëm për situatën në të cilën gjendemi”, shkruan deputeti Berisha.
