Ministri i dorëhequr Fatmir Xhafaj do të qëndroj në detyrë deri ditën e enjte kur do të bëhet votimi në parlament për shkarkimin e tij. Procedura parashikon se pavarësisht dorëheqjes së ministrit, ai qëndron në detyrë derisa të bëhet edhe votimi i dekretit të presidentit për lirimin e tij nga detyra.
Presidenti Meta e firmosi shkarkimin e Xhafajt vetëm pak orë pasi kryeministri Rama njoftoi se kishte pranuar dorëheqjen e ministrit të Brendshëm, por kreu i shtetit nuk është shprehur ende për propozimin e shefit të qeverisë, këshilltarit të tij Sandër Lleshi, për të marrë drejtimin e Ministrisë së Brendshme, digaseri më i sulmuari në kabinetin e Ramës.
Sipas Kushtetutës, neni 98 parashikon se ministri emërohet dhe shkarkohet nga Presidenti i Republikës, me propozim të Kryeministrit, brenda 7 ditëve dhe se ky dekret shqyrtohet brenda 10 ditëve nga Kuvendi në seancë plenare.
Me propozimin e kryeministrit Rama për të vendosur Sandër Lleshin në krye të Ministrisë së Brendshme e bën atë ushtarakun e dytë që man këtë pozicion në pesë vite të qeverisjes Rama, pas Dritan Demirajt i cili u emërua në atë pozicion pas marrëveshjes Rama-Basha.
