Një makinë është përfshirë nga flakët në ecje e sipër gjatë paradites së sotme.
Ngjarja ka ndodhur në aksin rrugor Elbasan-Librazhd, ku mjeti tip “Mitsubishi” me targa AA 396 DJ, me drejtues shtetasin S.M., 31 vjeç, banues në Tiranë, në ecje e sipër ka marrë flakë.
Si pasojë e flakëve ka vetëm dëme materiale ku mjeti është djegur plotësisht. Fatmirësisht 31-vjeçari sapo ka pikasur flakët, ka zbritur nga mjeti pa dëmtime.
Aktualisht grupi hetimor ndodhet në vendngjarje dhe po punon për zbardhjen e plotë rrethanave të ngjarjes.
Ndërkohë nga hetimet paraprake dyshohet se zjarri ka ardhur si pasojë e një defekti teknik.
