Publikohen dy përgjime të reja që i përkasin dosjes së grupit kriminal të Shijakut. Në një nga këto përgjime prokuroria ka regjistruar një bisedë mes krye bashkiakut të Durrës dhe një personi tjetër me pseudonimin ‘Nicja’ i quajtur Altin Avdyli pjesë e bandës së Shijakut tashmë i arrestuar. Nga kjo bisedë e përgjuar transmetuar nga TV Klan, Dako interesohet që të takojë me një person tjetër i quajtur Astrit.
Besohet se mund të bëhet fjalë për Astrit Avdylin edhe ky i arrestuar të Dielën e shkuar si kreu kësaj bande kriminale. Sipas transkriptit të kësaj bisede Vangjush Dako kërkon të takohet me Astritin për ta falënderuar dhe folur për diçka.
BISEDA 1 – (Data 27 qershor 2017)
Niçja: Hë kryetar, hë vllai.
Vangjush Dako: Niçe, ku je?
Niçja: Këtu vërdallë…
Vangjush Dako: Ku është Astriti?
Niçja: Ka lëviz një çikë.
Vangjush Dako: Ku ka lëviz? Jashtë Durrësit?
Niçja: Eh… ça ka? Ka ndonjë gjë?
Vangjush Dako: Po jo mo, doja ta takojsha, ta falenderojsha, ta pyesja një çikë.
Niçja: Po, po ku je ti? Të vij të të takoj… Njësoj është, si ai si unë, e di që jemi një.
Vangjush Dako: Po mirë mo mirë, por doja ta takoja…kanë pi ato.
Niçja: Po, e di po, kanë lëviz… Me të taku një çikë unë ty!
Vangjush Dako: Unë tani jam duke ardh nga… rrugës… rrugës…
Ndërkohë në një tjetër përgjim publikuar nga TV Klan mes Nices Altin Avdylit dhe një personi të paidentifikuar përmendet përsëri emri i një personi me ermrin Vangjush për të cilin bashkëbiseduesi i thotë NICES i japë një sasi parash.
BISEDA 2 (data 24 qershor 2017)
Niçja: Të marr unë se jam me rob pra…
xxx 30804 (Te paidentifikuar) – Alo, ça po bën?
Niçja: Të marr unë se jam me rob të thashë!
xxx 30804 (Te paidentifikuar) Ku je? Je andej nga fshatrat, ku ishe?
Niçja– Jo! Jo! Jo!
xxx 30804 (Te paidentifikuar) Kam ca me mbiemër Kurti, kam zonjën këtu… po deshe…
Niçja: …mirë…
xxx 30804 (Te paidentifikuar)- 6 veta janë!
Niçja: Hajt se të marr unë!
xxx 30804(Te paidentifikuar)- Thuaj Vangjushit t’i japim ndonjë lek, që të votojnë…
