Kryetari i Bashkisë së Durrësit është shfaqur i revoltuar në emisionin “Opinion” në Tv Klan në lidhje me përgjimet e prokurorisë.
Ai thotë se është person me reputacion dhe nuk mund të përflitet nga kryetari i opozitës.
“Kam familje, tani të dali kryetari i opozitës, të thotë sot i është prerë fletë-arresti, do vijë ta kapi RENEA, dhe unë të rri? Unë jam njeri me ndjenja, kam reputacion, jo vetëm në Durrës, po në gjithë Shqipërinë. Jam akullore, i shikon këto duar, janë akullore, s’kam prekur as pistoletë, as drogë, as lekë të pista. Unë në fushatë jam superman, bëj takime me 20 vetë, me 50 vetë”, tha Dako.
I pyetur në studion e “Opinion” nëse janë përdorur para për të blerë vota, kryebashkiaku i Durrësit u shpreh se bën sondazhe para zgjedhjeve, duke mohuar kategorikisht blerjen e votave.
Vangjush Dako: “Me këto muhabete do merremi tani? Këto janë karagjozllëqe, janë turpe se flasin njerëzit tani për ty e për ne. Nuk i fitojmë zgjedhjet ne me lekë. Ne kemi sondazhet tona gjithmonë nëpër zgjedhje dhe nuk më kanë lëvizur ndonjëherë sondazhet. Në 2007 më ka marrë Edi Rama në telefon dhe më ka thënë bëj një spot për punësimin sepse jemi 1 pikë prapa, rezultati 300 vota para”.
