Policia greke ka arrestuar gjatë natës së kaluar ish-ministrin e Mbrojtjes dhe një nga politikanët korife të Pasok, Janis Papantoniu. Bashkë me të është arrestuar dhe bashkëshortja e tij Stavrula Kuraku.
Çifti Papantoniu akuzohet për korrupsion dhe 2.8 milionë euro para të zeza, nga kontrata për 4 fregata moderne e pajisje të tjera ushtarake.
Ioannis (Janos) Papantoniu, i lindur në 1949 ka qenë që nga viti 1981 deputet me Pasok. Ministër i Ekonomisë në vitin 1994, ripërsëritet 1996-2001. Ministër i Mbrojtjes 2001-2004. Llogaria e parë sekrete që hapi dosjen u zbulua me listën Lagarde.
