Një pirat kibernetik i njohur si Peace ka ofruar një bazë të dhënash për shitje në ueb-in e zi që përmban informacione mbi 57milionë njerëz, por është një mister se nga vjen kjo bazë të dhënash.
Seti i të dhënave thuhet se është piratuar vitin e kaluar nga një grup rus dhe më vonë u mor nga Peace, i cili e ka postuar atë për shitje në një forum për më pakë se 400 dollarë. Peace i tha ZDNet se vjedhja u bë nga Zoosk, një sajt popullor takimesh me 33 milionë anëtar.
Vetëm se Zoosk mohon të jetë piratuar. “Asnjë nga të dhënat e plota të përdoruesit në shembullin e dhënë të paketës së të dhënave nuk përputhej me ndonjë përdorues Zoosk,” ka thënë një zëdhënës i Zoosk për ZDNet.
ZDNet dhe kërkuesi i sigurisë Troy Hunt- i cili drejton një uebsajti për të njoftuar njerëzit nëse ata janë pjesë e një rrjedhje të dhënash- u përpoqën të analizojnë të dhënat dhe kontaktuan disa nga përdoruesit. Disa thanë që të dhënat e kyçjes në Zoosk dhe posta elektronike ishin të sakta, ndërkohë që të tjerë mohuan që përdornin sajtin.
Më pas disa të tjerë përmendën që nuk përdorin Zoosk, por Badoo, një tjetër sajt takimesh me bazë në Mbretërinë e Bashkuar.
Dhe gjejeni çfarë? Badoo gjithashtu thotë që nuk është piratuar. Është e mundur që njëra nga kompanitë të jetë piratuar dhe të dyja kompanitë po e mohojnë vjedhjen e të dhënave ndërkohë që janë duke investiguar.
Ndërkohë që nuk është ende e qartë se nga vijnë llogaritë, është e qartë që ato janë të vërteta. Hunt zbuloi që më shumë se 52 milionë të dhëna janë unike dhe të pazbuluara më parë.
