Sekretarja e Përgjithshme e PDIU-së, Mesila Doda ka komentuar arrestimin e ish-deputetit të PS-së, Arben Çuko. Për Dodën kryeministri Rama shet vetëm ata që s’kanë asgjë në dorë kundër tij, duke vënë në dukje mbrojtjen që i bëri Saimir Tahirit, Fatmir Xhafës, Çyrbes dhe Shullazit.
Sekretarja e Përgjithshme e PDIU-së thekson se vetë kryeministri është padrino i krimit.
“Shiti Arben Çukon dhe mbrojti Saimir Tahirin, Fatmir Xhafën e Çyrben e Shullazit. Ky është standardi i këtij që shet vetëm këto që s’kanë më gjë në dorë kundër tij? Duhet të jesh krejt i paturp që kësaj t’i thuash respekt për ligjin. Krimi sot ka vetëm një padrino dhe ai është kryeministër.”, ka shkruar Mesila Doda.
