Arrestohet në Shijak bosi i drogës Flamur Avdyli. Ai u vu pranga gjatë një aksioni antidrogë në Shijak.
Ai u dërgua në Drejtorinë e Policisë së Tiranës pas arrestimit.
Ai është prangosur pasditen e sotme në një operacion të zhvilluar nga FNSH dhe RENEA. Avdyli është një emër i njohur, pasi është pronar i disa bizneseve në Shijak, por edhe një hoteli në Gjermani, ndërsa akuzohet për trafik ndërkombëtar heroine.
Ende nuk dihet nëse arrestimi i Avdylit ka lidhje me laboratorin e heroinës që është zbuluar në fshatin Brenog në Has para dy ditësh. Së bashku me Avdylin, me urdhër të Krimeve të Rënda janë arrestuar edhe dy persona të tjerë.
