Forca të shumta policie, janë parë mbrëmjen e sotme në qendër të Tiranës, përpara hotel Tirana (15 Katëshi). Në vendin e ngjarjes shihen shiritat e sigurisë dhe forcat xheniere në vendin e ngjarjes. Mësohet se i gjithë ky mobilizim ishte për shkak të një alarmi për bombë!
Burimet thanë se një qytetar ka harruar një pako mbi gurin dekorativ në shesh (përpara 15 katëshit). Çanta është raportuar si e dyshimtë tek 112. Menjëherë aty ka mbërritur policia, ndërsa forcat xheniere kanë kryer shpërthim stimulant të pakos së dyshimtë.
Si për ironi të fatit në pakon e dyshimtë që alarmoi gjithë policinë e Tiranës dhe shkaktoi panik të qytetarët u gjetën një palë këpucë për femra.
