Nga Prof. Kristo Muzaka/
Kaosi duket se ka përfshirë Shërbimet sekrete ruse në Moskë dhe Tiranë pasi publikimit të fakteve se Drejtori i përgjithshëm Sergei Naryshkin dhe familja e tij ka aplikuar në Hungari për rezidencë dhe Golden Visas.
Po ashtu ka shenja të rritjes së mosbesimit tek Lidershipi i SVR-së në radhët e oficerëve të rangut të ulët. Kaosi përfshin edhe përfaqësitë e SVR në Shqipëri, Maqedoni, Kosovë, Mal të Zi.
Kanë kaluar vetëm 2 javë kur një gazetë ruse dhe më pas disa mediat perendimore publikuan lajmin se familja e Sergei Naryshkin, Drejtori I përgjithshëm I SVR (Shërbimi të jashtëm inteligjent rus) kishte aplikuar për të pajisur familjaret e tij dhe vetë atë me Vize golden për të marrë rezidencë në Hungari. Kremlini është kapur në befasi nga këto fakte por deri më tani nuk kemi një përgjigje zyrtare që ta mohojë këtë fakt.
Elita ruse dhe Lidershipi rus, ku bën pjesë edhe Naryshkin, kërkojnë një jetë më të mirë nuk është fakt I panjohur nga komuniteti ndërkombëtar dhe populli rus por në rastin e Naryshkin, pozita e tij si Drejtor I Shërbimit sekret rus krijon një Kaos shumë të madh.
Nga njëra anë kemi politikat e forta të Presidentit Putin për të forcuar shtetin rus dhe imazhin e tij në arenën ndërkombëtare ndërsa nga ana tjetër Elita ruse transferon familjarët e tyre jashtë Rusisë ndoshta për një jetë më të mirë.
Këtu qëndron dhe pradoksi i këtij fakti interesant pasi Elita ruse i përbuz vendet Perëndimore ndërsa Drejtuesit e Institucioneve më rëndësi të veçantë për Rusinë, kërkojnë çdo mundësi për të siguruar rezidenca, kushte më të mira për familjet e tyre larg Rusisë.
Çdokush kërkon një jetë më të mirë për veten dhe familjen e tij por në rastin e Naryshkin, ky fakt ka shkaktuar zhgënjim të madh në radhët e oficerëve të SVR-së në Rajon të cilët nuk kanë të njëjta benefite apo mundësi ekonomike për të siguruar familjeve të tyre një jetë më të mirë në vendet Perëndimore. Ka shumë Oficerë të Shërbimit sekret rus, besnikë e të devotshëm që punojnë në vende të botës në mbrojtje të interesave të Rusisë të cilët nuk marrin të njëjtin trajtim siç trajtohen Liderat dhe pjesë e Elitës Drejtuese ku bën pjesë Naryshkin.
Si mundet të përballojë një oficer i rangut të ulët pagesa të tilla prej 300.000 Euro të nevojshme për transferimin e 1 anëtari të familjes? Edhe pse nuk jam ekonomist por analist gjeopolitik, mund të them se nuk mundet me rrogën që marrin ndërkohë që Drejtuesit transferojnë familjet e tyre pa asnjë lloj problemi duke paguar shuma marramendëse që fillojnë nga 300.000 euro.
Kaosi dhe mosbesimi tek Drejtuesi i tyre me shumë gjasa do të vazhdojë në radhët e Oficerëve të SVR-së që ndihen të tradhtuar nga udhëheqësi i tyre dhe ky veprim ka cenuar rëndë aftësitë drejtuese dhe autoritetin e Naryshkin në radhët e punonjësve të SVR-së që Ai drejton prej disa vitesh. Padyshim që kjo sjellje është parë edhe në raste të tjera të lidërve nëpër botë dhe e thënë ndryshe rasti i Naryshkin mund të perifrazohet me shprehjen “Beni si them unë por mos bëni si bëj unë”.
Presidenti Putin duket se ka urdhëruar një hetim për rastin konkret dhe priten zhvillime në ditët në vijim por deri më tani nuk ka një reagim zyrtar të Kremlinit dhe as nga përfaqësitë diplomatike ruse në Shqipëri e Rajon.
