Kryeministri Edi Rama ka reaguar përmes një postimi në Twitter për operacionin e zhvilluar në Has, ku u zbulua një laborator i përpunimit të drograve të forta si dhe u arrestuan 5 persona.
Kryeministri Edi Rama thotë se në të gjithë botën operacionet kundër krimit e drogës quhen sukses, ndërsa në Shqipëri opozita sipas tij i quan faje të qeverisë.
Statusi i plotë i Ramës:
Në gjithë botën normale operacionet kundër krimit e drogës quhen sukses,në gjuhën e dëshpërimit opozitar ato quhen faje të qeverisë. Operacioni i sotëm është një tjetër provë e qartë force e shtetit kundër krimit,në vazhdën e një beteje që do të vijojë pa kompromis.
