Deputetja e PD-së, Grida Duma e ftuar në emisionin e Jonida Shehut në Top Channel është vendosur në dilemë për të zgjedhur disa nga personazhet më të njohura brenda kësaj partie.
E pyetur nga moderatorja se çfarë mendon për Jozefina Topallin dhe Majlinda Bregun, Grida tha se nuk mendon fare për to, sepse i quan humbje kohe.
“Pse duhet domosdoshmërisht të mendoj për to? Nuk mendoj fare, absoolutisht. E kam quajtur humbje kohe, jo sot por gjithmonë”, u shpreh ajo.
Grida Duma shprehu edhe qëndrimin e saj, se cilin nga liderët e PD-së zgjidhte. E vendosur në dilemë mes Bashën dhe Berisës, ajo zgjodhi kreun aktual të PD-së duke theksuar se është epoka e tij.
“S’kam asnjë lider të preferuar, s’ka preferenca në lidera, ka gjykime, ka analiza, ka nevoja, ka të duhur apo jo, padyshim është epoka e Lulzim Bashës”, tha ajo.
