Presidenti i Turqisë, i ka thënë Bashkimit Europian, se ai nuk do t’i ndërrojë politikat e tij për anti-terror në këmbim të liberalizimit të vizave, shkruan BBC, përcjellë Klan Kosova.
“Ju rrugës tuaj, ne rrugës tonë”, ka thënë, Recep Tayyip Erdogan.
Bashkimi Europian i ka kërkuar Turqisë t’i rirregullojë ligjet e veta si kusht për të lejuar qytetarët e këtij vendi të lëvizin pa viza.
Plani është pjesë e një marrëveshje që përfshinë edhe rikthimin e migrantëve, kryesisht sirianë, nga Greqia për në Turqi dhe kështu të zbutet kriza e Europës me refugjatë.
Erdogan ka folur një ditë pasi kryeministri i Turqisë, Ahmet Davutoglu, i cili ka qenë njeriu kryesor në bisedimet me BE-në, ka dhënë dorëheqje.
Siç shkruan BBC, raportet e fundit thonë se Davutoglu e ka kundërshtuar panin e Erdogan-it për t’i dhënë pozitës së Presidentit kompetenca më të mëdha.
Erdogan kishte deklaruar se nevoja për ndryshimet kushtetuese që ai i kishte propozuar janë një emergjencë kombëtare, njofton Klan Kosova.
