Këngëtarja Arjana Grande është ndarë nga i fejuari i saj Pete Davidson, pas 5 muajsh lidhje.
Sipas burimeve për TMZ hapin e parë për ndarjen e ka marrë Ariana dhe se marrëdhënia kishte avancuar më shpejt sesa duhet.
“Ariana ‘u mbyll’ në një vend të errët pas mbidozës fatale të ish të dashurit të saj. Ajo nuk fajësoi veten për vdekjen e tij pasi ndjen se bëri gjithçka që mundi për ta ndihmuar, por e la në një gjendje emocionale shumë të rënduar,”-tha burimi për TMZ.
Ariana dhe Pete vijojnë të jenë miq dhe asnjëri nuk i ka fshirë postimet e përbashkëta në “Instagram”, por burime pranë këngëtares tregojnë se ajo i ka kthyer atij unazën e fejesës 100 mijë dollarëshe.
Unaza përbëhej nga një diamant 3 karat që u dizajnua veçanërisht për Arianën. Kujtojmë se këtë fundjavë, ata i dhanë fund fejesës 5 mujore dhe thuhet se ishte Ariana ajo që ndërmori hapin e parë.
