Kryetari i Partisë për Liri, Demokraci dhe Etikë, Arian Galdini, tha sot se ka informacione konfidenciale se janë plot 30 deputetë të Kuvendit të Shqipërisë, që nuk kanë plotësuar Formularin e Vetëdeklarimit sipas Ligjit për Dekriminalizimin, duke kërkuar që ata të lënë mandatet.
Në një deklaratë për shtyp, Galdini thotë se 4 maji ka qenë afati i fundit i dorëzimit të fomularëve dhe sipas ligjit, kush nuk i ka plotësuar duhet të lërë mandatin.
“Nëse data 4 maj ka qenë afati i fundit i dorëzimit të Formularëve të Vetëdeklarimit, atëherë Ligji për Dekriminalizimin e ka të sanksionuar qartë se kushdo që e ka tejkaluar, apo nuk e ka respektuar këtë afat, humbet automatikisht, ne menyre te menjehershme mandatin.
Kesisoj, sot jemi ne nje dite te rendesishme, kur do te na vleje shume te verifikojme seriozitetin e Ligjit per Dekriminalizimin dhe te miratuesve te tij, te cilet domosdoshmerisht jane para sproves se zbatueshmerise se tij. Nese eshte e vertete se 30 deputete deri ne dt 4 maj, nuk e kane dorezuar Formularin e Vetedeklarimit, atehere Opozita, Prokuroria dhe Insitucionet e Autorizuara me Ligj, duhet te bejne fakt ligjor humbjen e mandatit te ketyre 30 deputeteve. Themi Opozita, sepse menjehere ajo duhet te ngrihet ne kembe per te deshmuar se ajo e ka vertetesisht per zemer dhe sinqerisht per kauze, Dekriminalizimin e Kuvendit. Zbatimi i ligjit te Dekriminalizimit fillon me respektimin e cdo neni te tij, e sigurisht vete afati i percaktuar me ligj, pra data 4 maj, eshte fillimi i hyrjes ne fuqi te ketij Ligji. Nese eshte e vertete, se 30 deputete e kane shkelur afatin e dates 4 maj, e nuk kane dorezuar brenda kesaj date Formularet e Vetedeklarimit, ata sot nuk duhet te jene me deputete”, deklaroi Galdini.
