Emiljano Shullazi, i arrestuar për gjobëvenie dhe marrje të pasurisë përmes kërcënimeve kërkon lirimin e tij dhe procedim në gjendje të lirë.
Kjo kërkesë e tij po shqyrtohet në Gjykatën e Apelit për Krimet e Rënda.
Shullazi nuk pranuar masën e arrestit me burg që më herët dha gjykata e shkallës së parë. Ai u transferua pak ditë më parë në Tiranë, duke lënë qelitë e burgut të sigurisë së zakonshme, në Elbasan.
Kjo lëvizje është bërë për lehtësi, pasi ditën e sotme ai kërkon në Apel zbutjen e masës së sigurisë. Ai, së bashku me Gilmando Danin dhe Blerim Shullazin gjendeshin në burgun 302, deri sa u transferuan në tre burgje të ndryshme javën që shkoi. Shullazi u dërgua në Elbasan, ndërsa Blerimi te 313ta dhe Dani në FushëKrujë.
