Ambasadorët e BE-së dhe SHBA-ve kanë planifikuar gjatë ditës së nesërme takime me grupet parlamentare të tre forcave, PD-LSI-PS.
Fillimisht u tha se të 3 partitë kanë anuluar mbledhjet, por në fakt bëhet fjalë për ndryshim oraresh.
Grupi i PD dhe grupi i PS kishin lënë të njëjtën orë për këtë takim me ambasadorët. Dy ambasadorët do të bëjnë takime me të tri grupet kryesore parlamentare gjatë ditës së nesërme me temën e vetme, reformën në drejtësi.
Ndërkaq mbledhja e nesërme e grupit të PD do të drejtohet nga kryetari i grupit, Edi Paloka.