Conor McGregor ka reaguar ndaj humbjes kundër Khabib Nurmagomedovit në meçin “UFC 229” më Las Vegas të dielën, duke thënë se mezi pret të luftojë përsëri me rusin e pamposhtur.
Nurmagomedovi e fitoi meçin, e prishur nga skena të shëmtuara pas përfundimit, duke e detyruar irlandezin të dorëzohet pas e zaptoi në fyt në rundin e katërt. Meçi u prish nga përleshja që rusi e shkaktoi pasi e kapërceu kafazin tetëkëndësh duke e sulmuar ekipin e McGregorit.
Dy anëtarë të ekipit të Khabibit e sulmuan McGregorin në kafaz pas incidentit.
Tani, McGregor ka komentuar rreth meçit, duke shkruar: “Nokaut i mirë. Mezi e pres rimeçin”.
Se a do t’i plotësohet apo jo dëshira irlandezit është çështje tjetër, megjithatë, pasi e ardhmja e Nurmagomedovit është në pikëpyetje serioze pas rolit të tij në skenat tronditëse që ndodhen pas fitores së tij.
Presidenti i UFC-së, Dana White, ka lënë të hapur mundësinë që rusit t’i merret titulli i fituar mbrëmë në kategorinë e lehtë për shkak të përleshjes që e shkaktoi.
White refuzoi ta diskutojë mundësinë e rimeçit mes dyshes, duke thënë se priten masa nga autoritetet shtetërore të Nevadas pas incidentit.
