Sarande – Kapet i kërkuari për “prodhim dhe shitje te lendeve narkotike”. Në pranga është vënë Ervis Veizi, 31-vjec, banues ne fshatin Metoq, Sarande. Veizi, rezulton person në kërkim prej muajit shkurt 2018. Në datën 09.06.2018, Gjykata e Sarandës ka caktuar ndaj tij masën e sigurisë “Arrest ne burg” për “prodhim dhe shitje të lendëve narkotike”.
Sipas hetimeve, Veizi është pjese e një grupi kriminal prej 16 personash, të goditur nga policia e Sarandës ne shkurt 2018, të cilët kryenin trafik droge drejt Greqisë.
Operacioni Piramida:
“Pirmida” u quajt operacioni policor që goditi grupin e trafikantëve. Policia i bëri të ditura rezultatet në fillim të muajit mars, duke njoftuar arrestimin e 12 personave dhe shpalljen në kërkim të katër prej tyre. Grupit iu sekuestruan asokohe edhe 9 automjete, 5 prej të cilave makina luksi.
Grupi ishte i mirëorganizuar dhe drejtohej nga 21-vjeçari Ajaz Lile, i cili mbante pseudonimin “babi”. Të arrestuarit e tjerë ishin transportues, financues, magazinues dhe ata që kontrollonin rrugën nga do kalonte lënda narkotike, sqarohej në një njoftim të policisë lidhur me aksionin.
Policia bëri me dije asokohe se “sipas një zinxhiri funksional të dyshuar kriminal, kanë organizuar transportin e lëndës narkotike nga rrethet Tepelenë dhe Gjirokastër në drejtim të zonave kufitare të Bashkisë Konispol, të cilën e magazinonin në disa ambjente në zonën pranë kufirit e më pas organizonin trafikimin e saj drejt shtetit Grek tek persona për të cilët po zhvillohen hetime. Nga hetimet e kryera ka rezultuar se këta shtetas në periudha të ndryshme kohore kanë trafikuar lëndë narkotike kanabisi drejtim shtetit Grek., në bashkëpunim me të tjerë shtetas të cilët janë kapur e ndaluar në shtetin Grek më datë 30.01.2018, si dhe në të tjera raste“.
Pjesëtaret e grupit
Altin Sakaj, 36 vjeç, banues në fshatin Vrinë, Konispol, (i cili është kapur në flagrancë me mjetin me targa AA 931 IK, duke transportuar 18 kg lëndë narkotike kanabis).
Ajaz Lile, 21 vjeç, banues në fshatin Shalës, Konispol, (i dënuar më parë për trafik të lëndëve narkotike , i ndaluar me pseudonimin “babi”, si organizator i grupit).
Armando Koçiu, 29 vjeç, banues në Sarandë, (organizonte punën për gjetjen e lendës narkotike).
Afron Halili, 22 vjeç, banues në fshatin Ninat, Konispol, (bëntë magazinimin e lëndës narkotike).
Kastriot Muka, 32 vjeç, banues në Tepelenë, (posedues i lëndës narkotike).
Enea Duro, 22 vjeç, banues në Sarandë, (transportues i lëndës narkotike).
Marjo Zybo, 28 vjeç, banues në Sarandë, (transportues i lëndës narkotike).
Fatjon Dule, 25 vjeç, banues në Konispol, (transportues i lëndës narkotike).
Emilio Mehmeti, 28 vjeç, banues në Sarandë, (kontrollues i rrugës nga do kalonte lënda narkotike).
Tori Ruci, 42 vjeç, banues në Sarandë, (financues për blerjen e lëndës narkotike).
Eristjan Bejko, 21 vjeç, banues në Gjirokastër, (magazinues i lëndës narkotike).
Osman Halili, 52 vjeç, banues në fshatin Ninat, Konispol, (ruante ambjentin ku magazinohej lënda narkotike).
– Ervis Veizi, transportues i lëndës narkotike nga fshati Shalës në drejtim të kufirit të gjelbër.
– R.H., transportues i lëndës narkotike nga fshati Shalës në drejtim të kufirit të gjelbër.
– F.(D.).D., transportues nga kufiri i Gjelbër drejt shtetait Grek.
– M.D., kontrollues i rrugës për kalimin e lëndës narkotike.
