Gazetari Artan Hoxha, në një lidhje telefonike për Report Tv ka dhënë detaje të tjera rreth ngjarjes së ndodhur mbrëmjen e djeshme në një lokal në ish-Bllok ku i vdekur ka mbetur një person.
Sipas gazetarit Artan Hoxha, në polici janë shoqëruar dhe 2 punonjës policie, njëri prej të cilëve dyshohet se ka qenë pjesë e grupit të Elvis Martinaj.
“Deri tani janë ndaluar dy pjestarë të forcave të policisë, efektiv i policisë së Durrësit dhe Lezhës. Të dy këta kanë qenë pjesë e skuadres operacionale më parë, që ka agjentë në mbulim. Janë ndaluar për motivin sepse njëri dyshohet se ka qenë pjesë e grupit të Elvis Martinaj, dhe tjetri dyshohet se ka penguar policinë në ushtrimin e detyrës së saj. Të dy janë të dy me origjinë nga Tropoja. Njëri prej tyre është personi që ka shoqëruar nga vendi i ngjarjes drejt Traumës në spital. Dërgimi në spital ka bërë që të shpëtohet jeta e Martinaj”, ka treguar Hoxha.
Kujtojmë që nga konflikti i mbrëmshëm mbeti i vrarë shtetasi Fabiol Gaxha dhe u plagosën Ervis Martinaj me Laert Haton.
