Atletico Madrid shkon në finalen e Champions League, për herë të dytë në tre vitet e fundit, pavarësisht nga humbja 2-1 ndaj Bayern Munich. Skuadra e Simeone ka eliminuar gjigantët bavarezët të drejtuar nga Pep Guardiola, në saj të rregullit të golit në transfertë pasi rezultati i përgjithshëm doli 2-2. Spanjollët do të mësojnë të mërkurën në mbrëmje se cili do të jetë kundërshtari në finalen e madhe në “San Siro”: Real Madrid, që e mposhti Atletico-n në vitin e vitit 2013, apo anglezët e Manchester City. Atletico Madrid u kualifikua pavarësisht nga humbja 2-1 Atletico e Madrid i nisi mirë dhjetë minutat e para, por vetëm kaq.
Bayern Munich dominoi totalisht në 35 minutat e tjera dhe rrallë herë skuadra e Diego Simeone u shfaq në zonën e bavarezëve, që nisën të koleksionojnë raste për shënim. Ribery, Lahm dhe Lewandoswki u shfaqën të rrezikshëm përpara portierit Oblak, derisa vendasit e gjetën golin me një goditje dënimi të ekzekutuar nga Xabi Alonso dhe të devijuar nga Jimenez. Bayern Munich u eliminua për të tretin vit me radhë në gjysmëfinalet e Champions League Avantazhi, kur u mbush gjysmë ore lojë, i dha krahë bavarezëve dhe tregoi momentin kaotik që po kalonte mbrojtësi Jimenez, i shkaktoi një 11-metërsh pasi tërhoqi Javi Martinez brenda zonës së Atletico Madrid. Nga pika e bardhë shkoi Thomas Muller, por portieri Oblak priti tentativën e sulmuesit gjerman, duke shënuar një kthesë radikale në fatet e ndeshjes dhe të gjithë gjysmëfinales.
Pjesa e parë u mbyll 1-0 për Bayern, që në këtë mënyrë barazoi humbjen e pësuar një javë më parë. Bayern nuk arriti të kualifikohet në “Allianz Arena” Në minutën e dhjetë të pjesës së dytë, Atletico shtangu stadiumin “Allianz Arena”, duke shënuar golin e barazimit gjatë një kundërsulmi ku Fernando Torres shërbeu për Antonie Griezmann, në limitet e pozicionit jashtë loje. Francezi nuk gaboi përballë Neuer, duke realizuar një gol shumë të rëndësishëm për skuadrën e Diego Simeone. Ky ishte goli i 50-të për Griezman në ndeshjen numër 78 me fanellën e Atletico Madrid.
Pep Guardiola do të largohet nga Bayern në sezonin e ardhshëm 15 minuta para fundit Bayern shënoi golin e dytë. Coman, prej pak minutash në fushën e lojës, krosoi për Arturo Vidal, i cili shërbeu me kokë për Robert Lewandowski, i cili fundi rrjetën me portën e boshatisur, duke ngjallur shpresën te skuadra e Pep Guardiola, në ndeshjen e tij numër 100 me Bayern Munich. Fernando Torres pati mundësinë të barazonte për Atletico Madrid, por edhe ai humbi një penallti, ashtu si Muller në pjesën e parë. Spanjolli u hipnotizua nga Manuel Neuer.
