Një ditë pasi gjykata e Fierit vendosi masën e sigurisë “detyrim me paraqitje”, shefi i komisariatit të Policisë së Patosit, Flamur Veliu flet i indinjuar në media për arrestimin e tij.
Veliu u arrestua më 30 shtator pasi mjeti që ai drejtonte përplasi disa makina.
Akuza ndaj tij ishte se kishte drejtuar makinën në gjëndje të dehur. Atë ditë u raportua nga policia se forcat e Shërbimit të Kontrollit të Brendshëm shkuan në vendin e ngjarjes, u konstatua se kryekomisari ishte i dehur.
Por Veliu e hedh poshtë duke deklaruar se testi është bërë në shkelje ligjore
“Nuk kam qene i dehur. Testi i alkoolit është bërë disa orë pas ngjarjes. Jam lënë i lire pas fërkimit të mjeteve më pas jam shoqëruar në komisariat ku më është bërë testi i alkoolit, në shkelje ligjore.
Veliu shprehet i indinjuar se është luajtur me dinjitetin e tij
“Dua të vendos dinjitetin në vend dhe ja lë në dorë drejtesisë. Sugjeroj ShÇBA të mos merret me gjëra të vogla por të hetojë korrupsionin me njerezit që vjedhin e kane vene pasuri. Unë kam qene shef komisariati dhe jetoj në një shtëpi 70 m2. Ata që kanë qenë në vendin tim sot janë bërë milionera. Kanë vila. Kanë biznese”.
