Koleksionisti korçar, Gjergji Thimo ka deklaruar se po kërcënohet me jetë nga njerëzit e Edi Ramës, me synimin që t’i mbyllin gojën.
Thimo në mesazhet e mëposhtme të siguara nga “Hashtag.al” shprehet se është ngujuar në galerinë e tij pasi e kërcënojnë se do e vrasin. Këto mesazhe koleksionisti ua ka dërguar miqëve të tij dhe shfaqet tejet i shqetësuar.
“Po më marrin shpirtin në Korçë qentë e këlyshit të komunizmit, Edvin Kristaq Rama. Po më kërcënojnë me jetë ta mbyll gojën. Më kërcënuan me jetë në galeri para gjysmë ore. Denoncove 3 herë në polici dhe asnjë përgjigje, megjithëse galeria ime është 50 metër larg policisë.
Jam ngujuar në galeri ngaqë do të më vrasin. Personat i kam të filmuar nga kamerat e sigurisë. Ju lutem më ndihmoni. E gjithë kjo ndodhi pas largimit të kryeministrit Edvin”, shprehet ai.
Gjergji Thimo ishte një nga “viktimat” e para të “të të bërit shtet” sipas qeverisë së Edi Ramës dhe u arrestua nga policia që drejtohej nga Saimir Tahiri në 2014, me akuzën si trafikant i verprave të artit.
Prokuroria për Thimon ngriti akuzën e “vjedhjes së veprave të artit e kulturës” dhe kërkoi dënimin e tij me 9 vjet heqje lirie. Megjithatë ai nuk i kreu të gjitha.
Pas lirimit, ai nuk është tërhequr ende nga beteja e tij dhe ka deklaron se di shumë të vërteta rreth Ramës dhe qeverisjes së tij./Hashtag.al
/Hashtag.al/
