Aktori i humorit Albano Bogdo ka shpërthyer në facebook, duke u shprehur mjaft i zhgënjyer nga bota në të cilën jeton, por gjithë ‘mllefin’ e tij, ai ja drejton nënës.
Në një status në facbook, Bogdo fajëson nënën e tij që e ka shtyrë të jetë një person i mirë në një botë që nuk ekziston më.
“E urrej mamanë time. Më shtyu të lexoja libra gjithë jetën, dhe sot ato libra nuk më hyjnë në punë. Më mësoi të jem i ndershëm, dhe mbeta fukara. Më tha, që kur të më jepet mundësia të ndihmoj dikë, mos ti kërkoj gjë si shpërblim. Më urdhëroi, që deri sa të vdisja, kur të shihja dike të moshuar në këmbë, ti liroja vendin. Më përgatiti të jetoja në një botë që nuk ekziston më. Prind i paaftë. Më katandisi njeri të mirë, dhe më lëshoi në një botë me ujqër që hanë fëmijët për lekë,”-shkruan Bogdo në Facebook.
