Në emisionin investigativ “Stop” do të publikohet sot një kamera e fshehtë ku do të shfaq zyrtarë të lartë, tavolinat e të cilëve mbushen me lekë e valutë, në këmbim të deformimit të fakteve dhe dosjeve.
Pas detajeve të skemës së abuzimit nga zyrtarë të lartë që Lapsi.al arriti të zbulojë, emisionin investigativ shkoj edhe më tej duke sjellë me pamje dhe zë raste të pastra korrupsioni.
Janë institucione kontrolli që kujdesen e paguhen të luftojnë korrupsionin, por për fat të keq, janë ato të parat që korruptohen!
Skandaloz mbetet fakti se ajo që do të shohim e dëgjojmë, është se edhe vetë zyrtarët e dinë mirë pazarin e institucioneve të tjera dhe të drejtojnë se ku duhet të paraqitesh për ta zgjidhur hallin, që mos t’i hysh më thellë.
Kush janë zyrtarët dhe institucionet që korruptohen? Sa para dhe valutë do të marrin dhe në këmbim të cilit favor? Mbetet për t’u parë…
