Moderatorja e njohur Aleta Vejsiu ka reaguar për herë të parë pas arrestimit të vëllait të saj Endrit Vejsiut i cili u arrestua nga policia pasi u kap më drogë dhe mina me telekomandë në makinë.
Në nisje të spektaklit ‘Dance with me’ Alketa u shpreh se ngjarjet që ndodhin jashtë spektaklit nuk intereferojnë në televizion.
“Jam e lumtur që në familjen e madhe të Klan çdo gjë që ndodh jashtë nuk interferon. Kështu që sot do bëjmë qejf”.
Policia e Lezhës në kuadër të një operacioni të koduar të koduar “Telekomanda” arrestoi Endrit Vejsiun 29 vjeç, nga Tirana. Në aksin rrugor Milot – Lezhë, në kryqëzimin e Shënkollit, në mjetin e tij tip ‘Opel’ në një gomë rezervë në bagazh, u gjetën të fshehura 4 mina me telekomandë.
Ato ishin të paketuara me nga dy cilindra materiali të ngurtë të mbështjellë me natriban, të dyshuara lëndë plasëse e llojit TNT.
Gjithashtu u gjetën edhe rreth 3 kilogramë lëndë e dyshuar narkotike kanabis sativa, e paketuar gati për shitje.
