Policia e Kosovës njofton se po vazhdon kërkimin e Arbnora Dobrës, 22 vjeçarja që u zhduk ditë më parë. Sipas mediave ne Kosove, ka dyshime se vajza ndodhet ne Shqiperi.
“Më datë 28.09.2018, në polici është raportuar rasti person i zhdukur, bëhet fjalë për personin A.D, femër , 22 vjeç shtetase e Republikës së Kosovës. Që nga dita e raportimit policia me një intensitet të shtuar ka ndërmarrë të gjitha masat e nevojshme për gjetjen e viktimës”, thuhet në njoftimin e policisë.
Bazuar në të dhënat e deritanishme, policia thotë se është konstatuar se personi në fjalë, në mënyrë të rregullt ka kaluar në një shtet fqinj të Republikës së Kosovës, nga ku ka kontaktuar me familjarët e saj.
“Përveç familjarëve të viktimës me të cilët jemi në kontakt për zhvillimet rreth rastit, ne si polici zyrtarisht kemi njoftuar edhe institucionet e shtetit fqinj dhe bashkërisht jemi duke punuar për identifikimin e vendndodhjes së viktimës si dhe sqarimin e të gjitha rrethanave që lidhen me rastin”, thuhet në fund.
